الرئيسية
:
مدخل
الزين فيك طااغي وشوله زمام ..
خل يلبسه من زينهم على قد حااله
الزين فيك طااغي وشوله زمام ..
خل يلبسه من زينهم على قد حااله
يالله حي هالوجيه الــ ..
الغانمه << بغت تروح فيها
مثل ما انتم شايفين .. ودنا نتكلم اليوم عن هالشي الخاقوقي اللي اسمه زمام
بتكلم عنه ..وياليت ماتطب وحده في حلقي وتقول موضة قديمه
لان الزمام عمره ماكان "موضه" عشان يصير "موضه قديمه "
يعني مثله مثل الحلق وكل المكملات اللي نلبسها ..
ويلبسونه بنات من جميع طبقات المجتمع ومن كل المستويات .. يعني ماله اتجاه محدد
طبعا الزمام مهوب يناسب اي احد في رأيي .. في بعض الأخشام الزمام يخرّبها بدال مايزينها .. وفيه اخشام مايناسبها الزمام لكن سبحان الله من يوم تركبه البووونيه تحسينه لابق عليها
مثل هالممثله الهنديه بريتي زينتا
أنفها مهوب مثالي وبين الافنس والعادي ..ولكنه طالع عليها الييم
صورتها هنا مو طالع حلو مره لكن لو تشوفونها بالافلام ولا صور ثانيه روعه
وهاذي لاشواريا راي وش زينه عليها .. بس مو ازين مني << ترى الباب يمينك على طول
وهاذي الي مدري وش اسمها ماذكر والله .. طالع عليها مووره هيلووو
ولاحد يطمر ويفز يقول لي الزمام حق الخوال .. العبيد ..
شوفوا حتى على العبيد يخقـــــــق
حتى ذولي العمريكااان حاطينه على خشوومهم ..
هاذي يدنن عليها ..
بالنسبه لي ودي اركبه ومتحمسه جدا ابي اركبه
بس خايفه من شيئين " مايناسبني + الالم "
اخاف مايناسبني ويبقى مكان الخرق!!
وبالنسبه للألم من يبي الدحه مايقول ااااح << هو صح كذا
لكنّي مثابره وان شالله رح اركبه
الحين دوركم .. ودنا نستفيد من تجارب بعض ..
مين فيكم مركبه / ودها ترّكب ؟
كيف الالم ؟ :؟:
واللي ما تؤيد الزمام ولا تحبه تقول لنا وجهة نظرها
وانا علي اقنعها << انتي ركبيه اول
دمتـــــــــم فراشاتي العزيزات بأخشاااام اجمل
:P
مخرج
كل المزايين لك يصيرون خدام ..
مثل القمر يجلس ونجومه قباله ..
