الرئيسية
:
هلا والله بالجميع...
صباح الخير...
مساء الخير..
تسيف حالكم...
إن شاء الله بخير...
.
.
.
الحكآيه بختصرها بكلمتين انا حبيتك وانت خنتني <خاش جو
.
.
.
قبل خمسين سنه يوم كنت شباب...يوم كان كيس الرز بخمسه ريال...وكيس الطحين بريالين ونص..كانت الجامعات خليطي<<شباب وبنات انوااع الونااسه..
كنت طالب في الجامعه...وكان لي صديزه اسمهاا الفت...كنت أحوبها...وكانت تحوبني...كنت اذا غابت احضرها...وإذا غبت تحضرني...كانت تباشر لي..وماكنت أباشر لها <بحكم حالتي الماديه الداجه المهم كانت دراستنا فله بمعنى الكلمه...ماذكر اني في يوم من الأيام غبت!.. أو أني تأخرت في محاضره ..أو أني أخذت حرمان في ماده...وكان إذا رسبت الفت في ماده أرسب معها <كذا الحوب ولا بلاش الله ابوها حاله..
وفي يوم من الأيام وبينما كنت أحتسي <لا احد يدقق
(أشرب)قليلاً من الشاهي بالحليب في كأس جبن شفت الفت متكيه في بخشة الكليه(بخشه:حديقه) وواضح في خشتها علامات الحزن وضيقة الصدر ...وجيت إليها وأنا أطامر وعقلي طايرن من راسي ودار بيننا هذا الحوار
مناحي:وش فيتس ياعمري زعلانه ومبرطمه برطمك من كبره صايرن تسنه طرف زوليه؟
الفت:أنزلع عني ياقلبي مانيب فاضيه لك يالمخنز!
مناحي:أنتي علامتس جالسه لحالتس وليش مامشطتي شعرتس اليوم؟فيه اطفال يلعبون داخل تسنهم قبيله من القمل!
الفت:يابعد تسبدي ماعمر جاتك الزنوبه تمشي مليون ولزقت في خشتك؟
مناحي:شكلتس زعلانه علشان ماعمري باشرت لتس؟تراني حاس بمعاناتس بس وش اسوي مالي الا انتي <<الدمعه نزلت ع خدده. <ابوك يالرومنصي
الفت:لا والله مهوب هذا الي مزعلني الي مضيق صدري شين غير.
مناحي: طيب ماعندتس سلف اليوم بطلع مع أخوياي لأستراحه ويقولون لاتجي الأ ومعك قطه وخبرتس عارفه الجيب فاضي والمزايين في الشام والعين ملت من وجيه الجماعه. <سكران شكله
الفت:<<طلعت سلسله من مخباها ومحطتني على كرشتي الين طلعت البيض والحليب<فطوري.
مناحي:أثاريتس عربجيه شايله سلسلة سيفون في مخباتس
الفت:خلاص يالماصل مانيب فاضيه لك ضف خشتك بروح اقشر وجهي الحين.
مناحي:طيب بس لاتنافخين.
رحت عن الفت ولا ادري وش الي مزعلهاا ..ويوم جاء اليوم ..الثاني ادورها في الجامعه ولا لقيتها..واليوم الي بعده قابلت بنت جيرانهم وسألتها عن الفت ...وقالت لي أنها سافرت البارح ولا تدري وين راحت!
عاد أنا ضاق صدري..وصار لا ليلي ليل ولا نهاري نهار<<مسكين...ومرة الايام والشهور ولا شفت الفت...وكتبت فيها قصيده..اقول في مطلعها:
البارحه ياصاحبي ما جأني النوم......أعد نجوم الليل من حر ماجاني
خلن فقدته لي أيام وشهور.....يقطع القلب كل ماطراء على بالي
وفي يوم من الايام ....شفت الفت متكيه في بخشة الجامعه(بخشه:تم التعريف بها فيما سبق )...ويوم وصلت لها وانا اناظر فيها...وهي تناظر فيني...والدمع حايرن وسط عيني
ودارت بيننا هذي السالفه:
مناحي:هلا والله بالفت هلا بقلبي وينغزها بذيك النظره ...ليش كرشتس منتفخه يالدوبه؟
الفت:>>ناظرت في كرشها وقالت:أنا حامل يامناحي!
مناحي:<<يلتفت يمين ويسار ويقول وهو في لحظه تعجب:وش تقولين!
الفت:ايه انا حامل..انا تزوجت ياحنتوش.
مناحي:الله يلعنتس ياشيخه <<اسلوب حضاري...ياجعل كرشتس الفقع قولي آمين...بعد هالسنين..سنين الحب والعشق..سنين الوناسه والفله..واخرتها تزوجين واحد غيري؟
الفت:ايه أبوي زوجني ولد عمي بالغصب.
مناحي:<<طلع النبيطه من مخباه وقال..وين ولد عمك؟والله لاذبحه..يا أنا ياهو في هالدنيا (فيس حزين).
الفت:اقول اعقب وأخس أنت ماتذبح دجاجه يالدجاجه.
مناحي:ايه والله..اقول مامعتس سلف؟
الفت:لاوالله.
مناحي:أجل ماعاد منتس فايده وخلي زوجتس ينفعتس.
وأنا أناظرها بنظرة أستحقار وصفقتها بهالبيتين:
خلاص من حبكم يازين عزلنا...ماعاد لي في هواكم جفت اوراقه
ألي شبكنا معك يازين يخلصنا...بدلت ثوب الحزن بفراش ووساده
< اوووووووووخص والله انها جااااااامده
وأنا أعطيها مقفاي و افحط بحال سبيلي والين اليوم ماشفتها.
وبهذي التفحيطه أنتهت قصة حب دامت عشرطعش سنه.
الزبده...لويحطون الجآمعات تماسيح وسحالي يكون طلب العلم مفيد . < انطم احسن لك
وسلااااااااامتكم
اتمنى اعجبتكم
صباح الخير...
مساء الخير..
تسيف حالكم...
إن شاء الله بخير...
.
.
.
الحكآيه بختصرها بكلمتين انا حبيتك وانت خنتني <خاش جو
.
.
.
قبل خمسين سنه يوم كنت شباب...يوم كان كيس الرز بخمسه ريال...وكيس الطحين بريالين ونص..كانت الجامعات خليطي<<شباب وبنات انوااع الونااسه..
كنت طالب في الجامعه...وكان لي صديزه اسمهاا الفت...كنت أحوبها...وكانت تحوبني...كنت اذا غابت احضرها...وإذا غبت تحضرني...كانت تباشر لي..وماكنت أباشر لها <بحكم حالتي الماديه الداجه المهم كانت دراستنا فله بمعنى الكلمه...ماذكر اني في يوم من الأيام غبت!.. أو أني تأخرت في محاضره ..أو أني أخذت حرمان في ماده...وكان إذا رسبت الفت في ماده أرسب معها <كذا الحوب ولا بلاش الله ابوها حاله..
وفي يوم من الأيام وبينما كنت أحتسي <لا احد يدقق
(أشرب)قليلاً من الشاهي بالحليب في كأس جبن شفت الفت متكيه في بخشة الكليه(بخشه:حديقه) وواضح في خشتها علامات الحزن وضيقة الصدر ...وجيت إليها وأنا أطامر وعقلي طايرن من راسي ودار بيننا هذا الحوار
مناحي:وش فيتس ياعمري زعلانه ومبرطمه برطمك من كبره صايرن تسنه طرف زوليه؟
الفت:أنزلع عني ياقلبي مانيب فاضيه لك يالمخنز!
مناحي:أنتي علامتس جالسه لحالتس وليش مامشطتي شعرتس اليوم؟فيه اطفال يلعبون داخل تسنهم قبيله من القمل!
الفت:يابعد تسبدي ماعمر جاتك الزنوبه تمشي مليون ولزقت في خشتك؟
مناحي:شكلتس زعلانه علشان ماعمري باشرت لتس؟تراني حاس بمعاناتس بس وش اسوي مالي الا انتي <<الدمعه نزلت ع خدده. <ابوك يالرومنصي
الفت:لا والله مهوب هذا الي مزعلني الي مضيق صدري شين غير.
مناحي: طيب ماعندتس سلف اليوم بطلع مع أخوياي لأستراحه ويقولون لاتجي الأ ومعك قطه وخبرتس عارفه الجيب فاضي والمزايين في الشام والعين ملت من وجيه الجماعه. <سكران شكله
الفت:<<طلعت سلسله من مخباها ومحطتني على كرشتي الين طلعت البيض والحليب<فطوري.
مناحي:أثاريتس عربجيه شايله سلسلة سيفون في مخباتس
الفت:خلاص يالماصل مانيب فاضيه لك ضف خشتك بروح اقشر وجهي الحين.
مناحي:طيب بس لاتنافخين.
رحت عن الفت ولا ادري وش الي مزعلهاا ..ويوم جاء اليوم ..الثاني ادورها في الجامعه ولا لقيتها..واليوم الي بعده قابلت بنت جيرانهم وسألتها عن الفت ...وقالت لي أنها سافرت البارح ولا تدري وين راحت!
عاد أنا ضاق صدري..وصار لا ليلي ليل ولا نهاري نهار<<مسكين...ومرة الايام والشهور ولا شفت الفت...وكتبت فيها قصيده..اقول في مطلعها:
البارحه ياصاحبي ما جأني النوم......أعد نجوم الليل من حر ماجاني
خلن فقدته لي أيام وشهور.....يقطع القلب كل ماطراء على بالي
وفي يوم من الايام ....شفت الفت متكيه في بخشة الجامعه(بخشه:تم التعريف بها فيما سبق )...ويوم وصلت لها وانا اناظر فيها...وهي تناظر فيني...والدمع حايرن وسط عيني
ودارت بيننا هذي السالفه:
مناحي:هلا والله بالفت هلا بقلبي وينغزها بذيك النظره ...ليش كرشتس منتفخه يالدوبه؟
الفت:>>ناظرت في كرشها وقالت:أنا حامل يامناحي!
مناحي:<<يلتفت يمين ويسار ويقول وهو في لحظه تعجب:وش تقولين!
الفت:ايه انا حامل..انا تزوجت ياحنتوش.
مناحي:الله يلعنتس ياشيخه <<اسلوب حضاري...ياجعل كرشتس الفقع قولي آمين...بعد هالسنين..سنين الحب والعشق..سنين الوناسه والفله..واخرتها تزوجين واحد غيري؟
الفت:ايه أبوي زوجني ولد عمي بالغصب.
مناحي:<<طلع النبيطه من مخباه وقال..وين ولد عمك؟والله لاذبحه..يا أنا ياهو في هالدنيا (فيس حزين).
الفت:اقول اعقب وأخس أنت ماتذبح دجاجه يالدجاجه.
مناحي:ايه والله..اقول مامعتس سلف؟
الفت:لاوالله.
مناحي:أجل ماعاد منتس فايده وخلي زوجتس ينفعتس.
وأنا أناظرها بنظرة أستحقار وصفقتها بهالبيتين:
خلاص من حبكم يازين عزلنا...ماعاد لي في هواكم جفت اوراقه
ألي شبكنا معك يازين يخلصنا...بدلت ثوب الحزن بفراش ووساده
< اوووووووووخص والله انها جااااااامده
وأنا أعطيها مقفاي و افحط بحال سبيلي والين اليوم ماشفتها.
وبهذي التفحيطه أنتهت قصة حب دامت عشرطعش سنه.
الزبده...لويحطون الجآمعات تماسيح وسحالي يكون طلب العلم مفيد . < انطم احسن لك
وسلااااااااامتكم
اتمنى اعجبتكم
